Orqaga
Pavel Durov Telegram ishida sun’iy intellektdan foydalanish haqida gapirdi
28.03.2024 • 11:07Pavel Durov “Financial Times” jurnalistlariga bergan intervyusida TON kriptovalyutasi yordamida fond birjasiga kirish haqida gapirdi, ijtimoiy qidiruv funksiyasi joriy etilishi, shuningdek, sun’iy intellekt bilan bog‘liq mexanizmlar ishga tushirilishi haqida ma’lum qildi.
Telegram ijtimoiy media platformalaridan biri bo‘lib, kontentni jiddiy moderatsiyadan o‘tkazmaydi. Misol uchun, Meta kontentni sun’iy intellektdan foydalanib yaratilgan kontentni alohida belgilash rejalari haqida xabar bergandi, bu foydalanuvchilarni chalg‘itadigan dipfeyklarga ham ta’sir qilishi mumkin.
X (avvalgi Twitter) roʻyxatdan oʻtayotganda, agar profil profilda aks etgan rasmdagi subyekt bilan bog‘liq boʻlmasa, akkaunt nomi yoki “Men haqimda” boʻlimini markirovka qilishingizni soʻraydi. “Ushbu aloqaning yo‘qligini “akkaunt bilan bog‘lanmagan”, “parodiya”, “feyk”, “fanat”, “sharhlar” kabi so‘zlar yordamida ko‘rsatish mumkin”, — deyiladi xabarda.
Biroq Telegram’da bunday cheklovlar yo‘q. Factchecknet.uz ushbu ijtimoiy makonda paydo bo‘layotgan manipulyatsiya elementlariga ega yolg‘on va ishonchsiz xabarlarni bir necha bor qayd etgan (1, 2, 3, 4, 5) .
Internetda Pavel Durov bilan bog‘liq feyklar ham paydo bo‘lgan. Masalan, Telegram messenjeri yaratuvchisi dasturning bepul versiyasidan rus tilini olib tashlashni va’da qilganligi va premium akkauntlarni sotib olgan foydalanuvchilardan tushgan barcha mablag‘larni Ukraina Qurolli kuchlarini qo‘llab-quvvatlashga yo‘naltirilishi haqida yozilgan. Biroq, bu yolg‘on, u bunday demagan.
Pavel Durov “Financial Times”ga bergan intervyusida Telegram’da monetizatsiya haqida gapirar ekan, mablag‘lar mustaqil qolish va “[sun’iy intellekt] bilan bog‘liq ambitsiyalarimizni qo‘llab-quvvatlash uchun” zarurligini aytgan. Ba’zi nashrlar bu kontent moderatsiyasiga ta’sir qilishi mumkinligini taxmin qilishdi.
“Financial Times” yozganidek, messenjer tarixan Telegram platformasida yozilganlarga nisbatan “moderatsiyaga alohida yondashish”ni qayd etgan, bu esa ko‘plab qoralashlar va nafrat so‘zlarini, dushmanlikni va hattoki nafratni qo‘zg‘atishni bilvosita qo‘llab-quvvatlashda ayblovlarni keltirib chiqargan. Durov jurnalistlarni kompaniya bu boradagi nazoratni kuchaytirishni rejalashtirayotganiga ishontirdi, ayniqsa bu yil saylovlar ko‘pligini hisobga olgan holda”, — deyiladi maqolada.
Shu bilan birga, platforma asoschisi hozirgi zamondagi moderatsiya xususiyatlarini quyidagicha izohladi: “Men g‘oyalar raqobatiga ishonaman. Men har qanday fikrni [muhokama orqali] sinovdan o‘tkazish kerak, deb hisoblayman… Aks holda, biz tezda avtoritarizmga tushib qolishimiz mumkin.
Intervyu “FT” veb-saytida mavjud, ammo uni obuna orqali o‘qish mumkin.
Eslatib o‘tamiz, avvalroq Pavel Durov Telegram’da monetizatsiya joriy etilgani haqida fikr bildirgan edi.
Faktchekerlar hamjamiyatiga qo‘shiling.