Hammaga salom!
E’tiboringizga Markaziy Osoyo mamlakatlarida sodir boʻlgan muhim voqea-hodisalar haqidagi dayjestni taqdim etamiz.
Boshladik!
Ta’lim va fan
Dushanbedagi 55 ta maktabda eDonish elektron dasturi ishlay boshladi va ikkinchi bosqichda unga yana 50 dan ortiq maktab ulanishi ko‘zda tutilgan.
Odatda apreldan avgust oyigacha tojikistonlik abituriyentlar universitat tanlash haqida o‘ylay boshlaydilar va Markaziy Osiyo oliy o‘quv yurtlariga topshirish uchun hujjatlarini tayyorlashga kirishadilar. “Asiya-Plyus” Yevropadagi universitetlardan qolishmaydigan Markaziy Osiyo oliy o‘quv yurtlarining narxlari, grant olish imkoniyatlari, o‘ziga xosliklari va abituriyentlar uchun zarur bo‘lgan boshqa ma’lumotlar jamlangan tahlilini tayyorladi.
Inson huquqlari
Katta yoshli har bir qozog‘istonlik uy-joy qurish uchun yer olish huquqiga ega. Yerni qanday olish va navbatga turish mumkinligi haqida quyidagi havoladan bilib olish mumkin.
Batafsil quyida:: https://informburo.kz/stati/kak-ne-vyxodya-iz-doma-podat-zayavku-na-besplatnye-10-sotok-zemli-posagovaya-instrukciya
Turkmanistonda bir qator kosmetika muolajalariga ta’qiq qo‘yilmoqda. Mariy viloyatining Bayramli shahrida huquq-tartibot idoralari xodimlari shu kunlarda mahalliy go‘zallik salonlarini aylanib, xotin-qizlarga ayrim kosmetik xizmatlarni ko‘rsatish ta’qiqlanganidan ogohlantirishmoqda.
Batafsil quyida: https://rus.azathabar.com/a/31801145.html
Jamiyat
Qozog‘iston 11-apreldan fuqaroligi bo‘lmagan shaxslarga va chet elliklarga Rossiya, O‘zbekiston va Qirg‘iziston bilan quruqlikdagi o‘tish punktlaridan davlat chegarasini kesib o‘tish bo‘yicha cheklovlarni bekor qildi. “Aziya-Plyus” o‘quvchilarining Qozog‘iston va Rossiya chegarasini quruqlikdagi punktlar orqali kesib o‘tish borasidagi eng ko‘p berilayotgan savollariga javoblar tayyorlandi.
Otbasi bank (Qozog‘iston) ijara uy-joyga subsidiya ajratish bo‘yicha arizalar qabul qilish uchun platformani ishga tushirdi. Kimlar ana shunday subsidiya olishga da’vogar bo‘lishlari mumkinligi haqida batafsil quyidagi havoladan bilib olish mumkin:
Madaniyat va sport
TR futbol federatsiyasining xabar berishicha, Tojikiston bolalar-o‘smirlar futbol ligasi – “Tcell – Futbol ba nazdi shumo meoyad” ko‘cha futboli ligasi Osiyo qit’asidagi ommaviy futbol bo‘yicha namunali musobaqalardan biri sifatida Osiyo Futbol Konfederatsiyasining eng yaxshi grassruts-loyihalari ro‘yxatidan joy olgan.
18 – 22-aprel kunlari Toshkentda animatsiya filmlarining Tashkent Animation Forum-2022 forumi bo‘lib o‘tadi. Unda Markaziy Osiyo va MDHdan multiplikatorlar ishtirok etishadi. Tojikistondan Lolisanam Ulug‘ova hamda Farhod G‘afforpur o‘z ijod namunalari bilan kelishgan.
Toshkentda 17-aprel kuni badiiy gimnastika bo‘yicha jahon Kubogi bosqichi yakuniga yetdi, deb xabar bermoqda O‘zbekiston gimnastika federatsiyasi matbuot xizmati. O‘zbekistonlik gimnastikachi qizlar jami 7 ta: 4 ta oltin, 2 ta kumush va 1 ta bronza medalini qo‘lga kiritishdi. Federatsiyaning qayd etishicha, bu jahon Kuboklari tarixida mamlakat terma jamoasi ko‘rsatgan eng yaxshi natija hisoblanadi.
Batafsil quyida: https://www.gazeta.uz/ru/2022/04/18/gymnastics/
Biz bilan birga ekaningiz uchun rahmat!
Hozircha xayr!
P.S. Jamoani qo‘llab-quvvatlang! Layk bosing, Qlever o‘ynang!
* Dayjestni tayyorlashda o‘quv amaliyoti doirasida Alya Satbekova yordam berdi