Hammaga salom!
E’tiboringizga Markaziy Osoyo mamlakatlarida sodir boʻlgan muhim voqea-hodisalar haqidagi dayjestni taqdim etamiz.
Boshladik!
Ta’lim va fan
Xo‘jandda ochilgan xususiy universitetda 23 ta mutaxassislik bo‘yicha ta’lim olish mumkin, Rudakiy pedagogika kolleji qandolatchilik ishiga o‘qita boshlaydi, shu bois uning nomi “texnik-pedagogik” deb o‘zgartirildi, Boxtarda xitoy tilini o‘rganish imkoniyati bor, Ko‘lobda esa sun’iy intelektga o‘qitishadi. Tojikiston Prezidenti huzuridagi Milliy test markazi 2022-2023-o‘quv yilida oliy va o‘rta kasbiy ta’lim o‘quv yurtlariga talabalar qabulidagi o‘zgarishlar haqida xabar berdi.
Batafsil quyida: https://www.asiaplustj.info/ru/news/tajikistan/society/20220223/v-tadzhikistane-proizoshli-izmeneniya-v-plane-priema-abiturientov
O‘zbekiston innovatsion rivojlanish vazirligi olimlari odamlar uchun mo‘ljallangan ZF-UZ-VAC2001 vaksinasi bilan sigir va echkilarni uch marta emlab, tarkibida SARS-CoV-2 ga qarshi antitanachalar mavjud bo‘lgan sut olishga muvaffaq bo‘lishdi, deb xabar bermoqda Ozodlik.
Tadqiqotchilar bunday sutni iste’mol qilish aholini COVID-19 dan qisman bo‘lsada muhofaza qilishiga umid bildirishmoqda, deyiladi vazirlik matbuot xizmatining xabarida.
Batafsil quyida: https://www.asiaplustj.info/ru/news/centralasia/20220223/uchenie-iz-uzbekistana-sozdali-moloko-dlya-profilaktiki-koronavirusa
Tojikiston hududlaridan kelgan 5 nafar qahramonlarimizning barchasi BMTTDning Tojikistondagi vakolatxonasi ko‘magida “Tinch Tojikiston uchun yoshlarning imkoniyatlarini kuchaytirish” loyihasi doirasida 2021-yilda biznes maktabida ta’lim olishdi. Kurslarda ular tadbirkorlik bo‘yicha o‘z bilimlarini oshirishdi. Endi ular kelajaklari va amalga oshiradigan loyihalari borasida aniq tasavvurga egalar.
Batafsil quyida: https://www.asiaplustj.info/ru/news/tajikistan/society/20220222/molodie-i-ambitsioznie-5-istorii-uspeha-vipusknikov-biznes-shkoli
Turkmanistonda muddatidan oldin bo‘lib o‘tadigan prezidentlik saylovlariga tayyorgarlik avjida, shu munosabat bilan Mahtumquli nomidagi Turkmaniston davlat universiteti talabalaridan ovoz berishda ishtirok etish uchun yangi milliy liboslar sotib olish talab qilinmoqda. Shu bilan birga, prezidentlikka nomzodlarni ro‘yxatga olish ham davom etmoqda. Turkmaniston Prezidenti Gurbanguli Berdimuhamedov 11-fevral kuni o‘z lavozimidan ketmoqchiligini e’lon qilganidan keyin muddatidan oldin prezident saylovini o‘tkazish to‘g‘risida qaror qabul qilindi.
Batafsil quyida: https://rus.azathabar.com/a/31718331.html
Jamiyat
Vatan himoyachilari kuniga bag‘ishlab (Rossiya va bir qator sobiq Ittifoq davlatlarida 23-fevral kuni nishonlanadi) Sankt-Peterburglik faollar Darya Xolodova, Asya Senicheva, Lyubov Chernishyova, Anastasiya Golovneva, Anastasiya Novkunskaya va Tasha Belyayeva-Pichuginalar kartochkalar tayyorlashdi. “Erkak bo‘lishni talab qilmaslik – 23-fevralga eng yaxshi sovg‘a”, - deb hisoblashadi faollar.
Batafsil quyida:https://kaktus.media/doc/387094_feministki_podgotovili_kartochki_k_23_fevralia._oni_o_stereotipah_vokryg_myjchin.html
O‘zbekistonda 1-martdan jamoat joylarida niqob taqib yurish talabi bekor qilinmoqda. “Gazeta.uz”ning yozishicha, bu haqda chorshanba kuni Bosh vazir Abdulla Aripov rahbarligidagi koronavirusga qarshi kurash bo‘yicha Respublika maxsus komissiyasining yig‘ilishida ma’lum qilingan.
Batafsil quyida: https://anhor.uz/news/no-mask/
Tirkmaniston rasmiylari yana byudjetdan maosh oladiganlarning oyligiga ko‘z tikmoqda. Azatliq Radiosining Mariy hududidagi muxbiri byudjetchilardan yana pul yig‘ilayotgani haqida 25-fevral kuni xabar berdi. Rasmiylar bu safargi “yig‘-yig‘”ni “Qizil xoch jamiyatiga a’zolik badali” hamda “atrof-muhit muhofazasi uchun” deb izohlashmoqda. Ammo ular qaysi hujjatga asosan pul berishlari kerakligi hamda yig‘ilgan mablag‘lar qay tarzda sarf qilinishini byudjet xodimlariga tushuntirishmayapti. Turkmaniston rasmiylari odatda bunday tadbirlarni “yuqori”ning og‘zaki buyrug‘i asosida amalga oshirishadi.
Batafsil quyida: https://rus.azathabar.com/a/31725198.html
Turkmanistondagi do‘konlarda sigareta narxi ikki baravarga oshgan. “2022-yildan 2025-yilgacha bo‘lgan davrda Turkmanistonni tamakidan holi mamlakatga aylantirish bo‘yicha Milliy dastur” tasdiqlangani haqidagi xabar ana shu “sakrash”ga sabab bo‘lgan. Azatliq Radiosining Lebapdagi muxbiri xabariga ko‘ra, shu hafta boshida sigareta va tamaki mahsulotlari narxi ikki baravar oshgan.
Batafsil quyida: https://rus.azathabar.com/a/31722744.html
Inson huquqlari
Yetarli uy-joy huquqi bo‘yicha Markaziy Osiyo tarmog‘iga a’zo tashkilotlar 2022-yil 24-fevral kuni Qozog‘iston, Qirg‘iziston, Tojikiston va O‘zbekiston hukumatlariga murojaat yo‘llab, yetarlicha uy-joyga bo‘lgan huquqni amalga oshirish va ta’minlash hamda oliy qadriyat hisoblangan inson huquq va erkinliklariga rioya etilishini qo‘llab-quvvatlashga chaqirdilar.
Madaniyat va sport
Qozog‘iston tennis federatsiyasining saytida xabar berilishicha, Qozog‘iston o‘smirlar terma jamoasi Devis kubogi saralash bosqichiga chiqqan. Shri-Lankada o‘smirlar milliy jamoalari o‘rtasida Juniors Davis Cupning saralash oldi bosqichi yakuniga yetdi.
Batafsil quyida: https://informburo.kz/novosti/yunoseskaya-sbornaya-kazaxstana-po-tennisu-vysla-v-kvalifikaciyu-kubka-devisa
Madaniyat va san’atni rivojlantirish jamg‘armasi 15-martdan 15-mayga qadar teatr va balet xalqaro festivalini tashkil qiladi. Unda Moskvaning “Sovremennik” teatri, Moskva zamonaviy pyesa teatr maktabi, A.P.Chexov nomidagi Moskva badiiy teatri, Millatlar teatri, Boris Eyfmanning Sankt-Peterburg davlat akademik balet teatri, Alisher Navoiy nomidagi DAKT, Hamza nomidagi O‘zbek milliy drama teatri, Mark Vaylning “Ilhom” teatri, shuningdek O‘zbekiston Yoshlar teatri ishtirok etadi.
Batafsil quyida: https://anhor.uz/news/theatre-fest/
Tojikiston yoshlar terma jamoasi (U-20) Antaliyada ikki haftalik o‘quv-mashg‘ulot yig‘inini o‘tkazdi. Yig‘in davomida beshta o‘rtoqlik uchrashuvi ham o‘tkazilgan.
TR futbol federatsiyasining xabar berishicha, 22-fevral kuni turkiyalik tengdoshlariga qarshi maydonga tushgan tojikistonlik yosh futbolchilar o‘yinni 3:1 hisobida boy berishgan.
Batafsil quyida: https://www.asiaplustj.info/ru/news/sports/20220223/molodezhka-proigrala-match-protiv-sverstnikov-iz-turtsii
Biz bilan birga ekaningiz uchun rahmat!
Hozircha xayr!
P.S. Jamoani qo‘llab-quvvatlang! Layk bosing, Qlever o‘ynang!