O‘zbekistonda «oltin daftar» yaratiladi
«Oltin daftar» bazasiga asli o‘zbekistonlik bo‘lgan – xorijda istiqomat qilayotgan bo‘lg‘usi investorlar va dunyoning nufuzli oily o‘quv yurtlari professorlari, shunundek xalqaro tashkilotlar vakillari kiritiladi.
Yaratiladigan boshqa bir bazaga esa dunyoning ko‘plab mamlakatlarida yashayotgan barcha o‘zbekistonliklar, shu jumladan mehnat muhojirlari ham kiritiladi. Tashqi ishlar vaziri o‘rinbosari Farhod Arziyevning aytishicha, mehnat muhojirlari duch kelayotgan muammolarni aniqlash va hal etish bo‘yicha tizimli ishlar yo‘lga qo‘yiladi.
O‘zbekistonda har yili avgust oyida Poytaxt kunini nishonlash taklif etildi
Toshkent shahri O‘zbekistonning yangi poytaxti, deb e’lon qilinganiga 90 yil bo‘ldi. 1930 yil 17- avgustda poytaxt Samarqanddan Toshkentga ko‘chirilgan edi. «17 avgust – Toshkentning poytaxt sifatida tug‘ilgan kuni. Ko‘p vaqtlardan beri Shahar kunini belgilash haqida gap-so‘zlar bo‘layapti – Toshkent hali ham o‘z bayramiga ega emas», - deyiladi Toshkent shahar hokimligi huzuridagi Jamoatchilik kengashi xabarida.
Bayramni har yili 17-avgustdan keying yakshanba kuni keng nishonlash taklif etilmoqda. Ammo ijtimoiy tarmoqlardagi muhikamalarda ko‘plab o‘zbekistonliklar yoz faslining oxiri, Mustaqillik kuni arafasi bunday bayram uchun mos kelmasligini ta’kidlashmoqda. «Poytaxt kunini bahorda – daraxtlar gulag kirib, Toshkent go‘zal qiyofa kasb etgan vaqtda nishonlagan ma’qul», - deyishmoqda Poytaxt kunini avgust oyida nishonlashga qarshi bo‘lgan ijtimoiy tarmoqlar foydalanuvchilari.