Qadrli do‘stim!
E’tiboringizga yangiliklar dayjestini havola etaman. Markaziy Osiyoning muhim voqealari haqida o‘qing va xabardor bo‘ling.
Boshladik!
Ta’lim
Joriy yilning 1-aprelidan 30-apreliga qadar Tojikiston Markaziy banki hamkor tashkilotlar bilan birgalikda GMW2021 xalqaro kampaniyasi doirasida mamlakatda moliyaviy savodxonlik oyligini o‘tkazadi.
Batafsil quyida: https://asiaplustj.info/ru/news/tajikistan/society/20210401/nbt-vozobnovlyaet-mesyats-finansovoi-gramotnosti-v-tadzhikistane
Qirg‘iziston ta’lim va fan vazirligi o‘qituvchilar uchun attestatsiya joriy etishni taklif qilmoqda. Hukumatning “Umumta’lim maktablari o‘qituvchilarini attestatsiyadan o‘tkazish tartibi to‘g‘risida Nizomni tasdiqlash haqida”gi qarori loyihasi vazirlik tomonidan jamoatchilik muhokamasiga qo‘yildi.
Tafsilotlar quyida: https://24.kg/obschestvo/188190_ministerstvo_obrazovaniya_predlagaet_vvesti_attestatsiyu_uchiteley/
O‘zbekistonda 2021/2022-o‘quv yilidan boshlab kasbiy ta’lim tizimi dual ta’lim prinsipini joriy etadi. O‘quvchilar ta’lim muassasasi bazasida nazariy bilimlarni olishsa, amaliyotni ish joyida o‘tashadi.
Batafsil quyida: https://nuz.uz/obschestvo/1192644-s-2021-2022-uchebnogo-goda-ucheniki-ujdut-na-dualnoe-obrazovanie.html
Qirg‘iziston ta’lim va fan vazirligi o‘rta kasbiy ta’lim davlat tashkilotlarida normativ moliyalashtirishni joriy etishni rejalashtirmoqda. Hukumatning tegishli qarori loyihasi jamoatchilik muhokamasiga havola etildi.
Tafsilotlar quyida: https://24.kg/obschestvo/188184_kolledji_stranyi_planiruyut_finansirovat_ponovomu_poryadku/
Inson huquqlari
Tojikiston hukumati imkoniyati cheklangan insonlarni qo‘llab-quvvatlashga qaratilgan “Qulay muhit” Davlat dasturini qabul qildi.
Hujjatda kelgusi besh yil ichida nogironlarning turmush darajasini oshirish va imkoniyatlarini yaxshilashga qaratilgan ko‘plab chora-tadbirlarni amalga oshirishni nazarda tutilgan.
Tafsilotlar quyida: https://asiaplustj.info/ru/news/tajikistan/society/20210331/v-tadzhikistane-reshili-sozdat-ravnie-so-vsemi-usloviya-dlya-invalidov
Jamiyat
Turkmanistonda o‘tgan yili paxta yig‘im-terimida muntazam ravishda majburiy mehnatdan foydalanilgani yangi hisobotda aks etganidan keyin Britaniya Mustaqil savdo tashabbusi (ETI) jahonning yetakchi savdo brendlarini Turkmanistondan paxta sotib olishni to‘xtatishga chaqirdi.
Tafsilotlar quyida: https://rus.azathabar.com/a/31182026.html
1-aprel kuni Farg‘ona viloyatining Rishton tumanidan So‘x tumaniga Qirg‘iziston hududi orqali o‘tuvchi yo‘lning tantanali oshilish marosimi bo‘lib o‘tdi. So‘x tumani O‘zbekistonga qarshli hudud bo‘lib, Qirg‘iziston ichidagi anklav hisoblanadi.
Tafsilotlar quyidagi havolada: https://nuz.uz/sobytiya/1192911-otkryta-doroga-iz-rishtana-v-soh-cherez-territoriyu-kyrgyzstana.html
Turkmanistonda chiqindi konteynerlarini titkilab yurgan, ko‘cha va bozorlarda esa tilanchilik qilayotgan odamlar juda ko‘payib ketgan. Ularning aksariyati ayollar va bolalar. Ayni paytda politsiya ularga qarshi kurashni kuchaytirmoqda. Azatliq muxbirlari hududdagi vaziyat va mahalliya politsiyaning ayrim kurash usullari haqida xabar berishmoqda.
Batafsil quyida: https://rus.azathabar.com/a/31179808.html
Texnologiyalar
Qozog‘istonliklar vaksinatsiya elektron pasportidan foydalanishlari uchun imkoniyat yaratildi. Vazirning so‘zlariga ko‘ra, “eGov Mobile ilovasining “Raqamli hujjatlar” bo‘limida vaksinatsiya elektron pasportini ko‘rish mumkin. Unda uch tilda inson qanday preparatlarni, qancha dozada, qaysi sanalarda olgani haqida ma’lumotlar mavjud. Hujjatni talab qilingan joyda namoyish etish va QR-kod yordamida unga kirish mumkin”.
Batafsil quyida: https://informburo.kz/novosti/elektronnyj-pasport-vakcinacii-ot-covid-19-uzhe-dostupen-v-prilozhenii-e-gov-mobile
Biz bilan birga ekaningiz uchun rahmat!
Hozircha xayr!
P.S. Jamoani qo‘llab-quvvatlang! Layk bosing, Qlever o‘ynang!