Qadrli do‘stim!
Sizni va yaqinlaringizni Qozog‘istondagi Nauriz, Qirg‘izistondagi Nooruz, O‘zbekiston va Tojikistondagi Navro‘z, Turkmanistondagi Novruz bayrami bilan tabriklayman! Yangi yil nuborak bo‘lsin!
Barcha g‘am-tashvishlar ortda qolib, bu yog‘iga faqat omad va muvaffaqiyatlar yor bo‘lsin!
E’tiboringizga Markaziy Osiyo mamlakatlarida sodir bo‘lgan muhim voqea-hodisalar haqidagi yangiliklar dayjestini havola etaman.
Boshladik!
Ta’lim
Qirg‘iziston hukumati 1-sentabrdan “Maktab ligasi” shartli nomi ostidagi loyihani ishga tushirishni rejalashtirmoqda. Mamlakatning barcha hududlaridagi maktablarning o‘qituvchilari bilan videokonferensiya aloqasi shaklida o‘tkazilgan yig‘ilish davomida Bosh vazirning birinchi o‘rinbosari Artyom Novikov shu haqda ma’lum qildi.
Tafsilotlar quyidagi havolada:
Tojikistonlik 11-sinf o‘quvchisi QS talqini bo‘yicha dunyodagi eng yaxshi universitetlarning TOP-15 taligiga kiruvchi Dyuka universitetining (Duke Kunshan University) Osiyodagi kampusida o‘qish uchun 223 ming AQSh dollari miqdoridagi ta’lim grantini yutib oldi. Tafsilotlar quyida: https://www.asiaplustj.info/ru/news/tajikistan/society/20210323/kak-shkolnik-iz-tadzhikistana-viigral-grant-223-tisyachi-dlya-obucheniya-v-universitete-dyuka
Tojikiston poytaxti Dushanbe shahrida o‘tkazilgan shaxmat bo‘yicha kattalar o‘rtasidagi shahar birinchiligida o‘smir yigitcha g‘olib bo‘ldi. 51 kishi ishtirok etgan erkaklar o‘rtasidagi chempionat shov-shuvli tarzda yakunlandi: 13 yoshli Jaloliddin Ilhomiy 9 imkoniyatdan 7,5 ochko jamg‘arib kattalar o‘rtasidagi musobaqa g‘olibiga aylandi.
Tafsilotlar bilan quyida tanishing: https://www.asiaplustj.info/ru/news/sports/20210316/v-chempionate-dushanbe-po-shahmatam-13-letnii-yunosha-viigral-chempionat-vzroslih
O‘zbekistondagi 175 ta maktabda fizika fani chuqurlashtirib o‘qitiladigan sinflar ochiladi. Prezidentning yangi qarorida shu haqda so‘z boradi.
Batafsil quyida: https://nuz.uz/obschestvo/1191962-v-175-shkolah-uzbekistana-budut-sozdany-klassy-s-uglublennym-izucheniem-fiziki.html
Turkmanistonning Ashxobod shahridagi o‘rta maktablarning birida yuqori sinf o‘quvchilari yig‘ilib 8-martni bayram qilishgani, hamda o‘quvchi qizlardan biri tilanchilik qilayotgani aniqlangani munosabati bilan politsiya tomonidan tushuntirish ishlari olib borildi.
Tafsilotlar quyida: https://rus.azathabar.com/a/31152198.html
Bugungi kunda Qirg‘izistondagi maktablarning 25,5 foizi toza ichimlik suvi bilan ta’minlanmagan, bu esa bolalar o‘rtasida turli kasalliklarni keltirib chiqarmoqda. Mamlakatning barcha hududlaridagi maktablarning o‘qituvchilari bilan videokonferensiya aloqasi shaklida o‘tkazilgan yig‘ilish davomida Bosh vazirning birinchi o‘rinbosari Artyom Novikov shu haqda ma’lum qildi. Uning ta’kidlashicha, taxminan 75 foiz maktablar ichki sanuzellarga (hojatxonalarga) ega emas, bu esa sanitariya-gigiyena talablariga zid, 65 foiz maktablar esa issiq suv ta’minotiga ulanmagan.
Tafsilotlar quyida:
Jamiyat
Yakshanba kuni Turkmaniston ma’murlari byudjet tashkilotlari xodimlari, o‘quvchilar, talabalar va askarlarni barcha tuman, shahar va qishloqlarda, shuningdek fermerlar birlashmalarida hududlarni tozalashga va daraxt ko‘chatlari ekishga majburiy jalb etishdi. Buyruqqa bo‘ysunmagan xodimlarga ishdan bo‘shatish, o‘quvchi va talabalarga esa ikkinchi yilga qoldirib yuborish bilan tahdid qilinmoqda.
Batafsil quyidagi havolada: https://rus.azathabar.com/a/31163984.html
Texnologiyalar
Turkmanistonda hali ham VPN bilan bog‘liq muammolar davom etmoqda. VPN orqali saytlarga kirishdagi qiyinchiliklar haqida Azatliq o‘quvchilari ham xabar berishmoqda. Poytaxtda va viloyatlarda servis xizmatlari ishlamayapti yoki tezligi juda ham past. Tafsilotlar quyida: https://rus.azathabar.com/a/31155272.html
Google Translate ovozli tarjimon tizimida qozoq tili ham paydo bo‘ldi. Servisdan barcha qurilmalar uchun brauzer orqali foydalanish mumkin, ilovada esa u hozircha faqat iOS platformasidagina ishlamoqda.
Batafsil quyida: https://informburo.kz/novosti/google-translate-zapustil-golosovoi-perevod-s-kazaxskogo
Biz bilan birga ekaningiz uchun rahmat!
Hozircha xayr!
P.S. Jamoani qo‘llab-quvvatlang! Layk bosing, Qlever o‘ynang