O‘zbekiston COVAX dasturi doirasida 2 million doza vaksinaga buyurtma berdi. Dastlab, 65 yoshdan oshgan fuqarolar hamda tibbiyot xodimlari, o‘qituvchilar va maktabgacha ta’lim tashkilotlari tarbiyachilari emlanadi.
COVAX vaksinalaridan foydalanishning xalqaro mexanizmi 190 mamlakatni, shu jumladan O‘zbekistonni ham o‘z ichiga oladi. Ishtirokchilar 2021-yilning birinchi yarmidayoq vaksinalar bankidan foydalanish imkoniyatiga ega bo‘lishlari kutilmoqda.
Ayni paytda O‘zbekiston hukumati Xitoy va Rossiya vaksinalari klinik sinovining uchinchi bosqichini amalga oshirish masalasini ko‘rib chiqmoqda.