O‘zbek estradasining pop-yulduzi Munisa Rizayeva oilasi bilan shifoxonaga yotqizildi. Bu haqda xonanda o‘zining Instagramdagi sahifasida ma’lum qildi. Munisaning so‘zlariga ko‘ra, unga va yaqinlariga zotiljam tashhisi qo‘yilgan. “Iltimos, sog‘lig‘ingizga befarq bo‘lmang. Hech qayerga chiqmang. Uyda qoling. Zotiljam koronavirusdan ham yomon ekan. Juda ko‘pchilik zotiljamga chalinmoqda. Ota-onam og‘ir ahvolda yotishibdi”, - deb yozgan Munisa Rizayeva.
Oldinroq honanda Kaniza koronavirusga chalingan va O‘zbekiston sog‘liqni saqlash tizimini tanqid qilgan edi.
O‘zbekistonda hanuz COVID-19 ga chalinganlar o‘zlarining tashhislarini yashirishga harakat qilishadi, chunki koronavirusni yuqtirib olish va u bilan kasallanish uyatli holat hisoblanadi. Bu esa odamlar qo‘rquv hamda ta’qib ehtimoli bois o‘zlarida kuzatilayotgan alomatlarni yashirishlariga, o‘z bilganlaricha davolanishlariga sabab bo‘lishi mumkin. Shifokorlar COVID-19 ga chalinganda o‘z bilganicha davolanish mumkin emasligini ta’kidlashmoqda. Bu bilan o‘zingizning va yaqinlaringizning hayotini xavfga qo‘yasiz.
Manba: Munisa Rizayevaning Instagramdagi shaxsiy kanali
Manba: https://repost.uz/zvezda-v-shoke