Qadrli do‘stim!
Sizni Yangi yil bilan tabriklayman!
E’tiboringizga 2021-yilning ilk dayjestini havola etaman.
Boshladik!
Ta’lim
Facebookning tojik segmentida tez-tez farzandlari maktab rahbariyati yoki sinfdoshlarining adolatsiz munosabatidan jabr chekkan ota-onalarning qahrli postlari paydo bo‘lib turadi. Ota-onalar ham farzandlarini himoya qila turib, ba’zida chegaradan chiqib ketishadi. Tafsilotlar quyidagi havolada: https://asiaplustj.info/ru/news/tajikistan/society/20210111/rebenka-travit-uchitel-obyasnyaem-kak-pravilno-ego-zatshitit
asiaplustj.info portali jurnalistlari Tojikiston yoshlarini kompyuter savodxonligi va dasturlashga bepul o‘qitishning imkoniyatlari haqida ma’lumotlar to‘plashdi. Tafsilotlar quyida: https://asiaplustj.info/ru/news/tajikistan/society/20210108/razvitie-it-v-tadzhikistane-gde-mozhno-obuchitsya-programmirovaniyu
O‘zbekiston xalq ta’limi vazirligi o‘quvchilar uchun onlayn o‘qish imkoniyatini qoldirishga qaror qildi. Ammo buning uchun ota-onalar uyda ta’lim olish uchun barcha sharoitlarni yaratishlari zarur bo‘ladi. Batafsil quyidagi havolada: https://nuz.uz/obschestvo/1184372-roditelyam-razreshili-ne-otpravlyat-detej-v-shkolu-no-na-opredelennyh-usloviyah.html
O‘zbekistonda maktablarni ta’lim sifatiga qarab ranglarga ajratish mo‘ljallanmoqda. Xalq ta’limi vaziri Sherzod Shermatov AOKAda bo‘lib o‘tgan brifing paytida shu haqda ma’lum qildi. Tafsilotlar quyidagi maqolada: https://nuz.uz/obschestvo/1184231-v-uzbekistane-shkoly-razdelyat-po-czvetam-v-zavisimosti-ot-kachestva-obrazovaniya.html
Qirg‘iziston ta’lim va fan vazirligi o‘qituvchilarga malaka toifalarini qaytarmoqda. 2021-yilda maktablar va o‘qituvchilarni yana qanday yangiliklar kutayotgani haqida quyida o‘qishingiz mumkin: https://24.kg/obschestvo/179545_ministerstvo_obrazovaniya_inauki_vozvraschaet_uchitelyam_kvalifikatsionnyie_kategorii/
Inson huquqlari
Ashxobod politsiyasi 40 yoshdan oshmagan xotin-qizlardan haydovchilik guvohnomasining amal qilish muddatini uzaytirish uchun arizalar qabul qilishni boshladi. Dekabr oyi boshida ikki yillik tanaffusdan keyin xotin-qizlardan haydovchilik guvohnomasi muddatini uzaytirish uchun arizalar qabul qilish boshlanishi ma’lum qilingandi. Ammo keyinroq faqat 40 yoshdan oshgan xotin-qizlardangina arizalar qabul qilinayotgani ma’lum bo‘lgandi. Tafsilotlar quyida: https://rus.azathabar.com/a/31034638.html
Rasman birorta ham koronavirus holati qayd ertilmagan Turkmaniston yangi 2021-yilni qat’iy cheklovlar bilan qarshi oldi va Azatliq radiosi muxbirlarining xabar berishlaricha, bayram kunlari o‘nlab insonlar karantin qoidalarini buzganlikda ayblanib hibsga olingan.
Muxbirning so‘zlariga ko‘ra, Yangi yilni qo‘shnilari bilan kutib olmoqchi bo‘lgan bir necha nafar Farap aholisi vakillari politsiya tomonidan ushlangan va ularga dushanbagacha uylariga qaytishga ruxsat berilmagan. Karantin qoidalarini buzganlikda ayblanib ushlanganlarning ishlari 4-yanvarda – tuman sudi ish boshlaganidan keyin ko‘rib chiqiladi hamda ular jarima to‘lash haqida qaror chiqarilganidan keyingina ozod etiladilar. Tafsilotlar quyidagi havolada: https://rus.azathabar.com/a/31032990.html
Mamlakat Oila kodeksiga kiritilayotgan o‘zgartirishlar ko‘rib chiqish uchun Tojikiston Parlamentiga kiritildi. Hukumat tomonidan taklif etilayotgan tuzatishlar, xususan, ota-onalik huquqidan mahrum etiladigan shaxslar ro‘yxatini kengaytirishni nazarda tutadi. Tuzatishlar natijasida Oila kodeksiga 9 ta modda, shuningdek ikkita yangi bob qo‘shiladi. Tafsilotlarni quyida o‘qing: https://asiaplustj.info/ru/news/tajikistan/society/20210111/v-tadzhikistane-za-seksualnie-domogatelstva-v-otnoshenii-detei-namereni-lishat-roditelskih-prav
Madaniyat
Dushanbe rasman 2021-yilda MDHning madaniy poytaxti, shuningdek Iqtisodiy hamkorlik tashkiloti talqiniga ko‘ra, sayyohlik shahri, deb e’lon qilindi, deb xabar berilmoqda MDH Ijroqo‘mi sayti. Tafsilotlar quyidagi havolada: https://asiaplustj.info/ru/news/life/culture/20210106/dushanbe-obyavlen-kulturnoi-stolitsei-sng-v-2021-godu
“Qozog‘iston kinoteatrlari egalari Assotsiatsiyasi “Kinoteatrlar alyansi” prezidenti Munira Yagudina Qozog‘istondagi kinoteatrlar 1-fevraldan 3-5 oyga yopilishi mumkinligini ma’lum qildi. Kinotaetrlar egalari assotsiatsiyasi rahbarining aytishicha, vaqtinchalik yopilishga bir necha salbiy omillar sabab bo‘lmoqda. Shulardan biri – Gollivudning asosiy studiyalari bahorgi prem’yeralarni kuz fasliga ko‘chirishga qaror qilgani tufayli filmlar yo‘qligi bilan bog‘liq. Tafsilotlar quyida: https://informburo.kz/novosti/alyans-kinoteatrov-kazahstana-bolshinstvo-uchastnikov-za-ih-zakrytie-s-1-fevralya-potomu-chto-soderzhat-dorozhe
Pandemiya
Butunjahon sog‘liqni saqlash tashkilotining Yevropadagi hududiy direktori Xans Klyuge Turkmaniston shu vaqtgacha koronavirusga testlarni BSTning xorijdagi laboratoriyalariga jo‘natish uchun aniq choralar ko‘rmaganini achinarli holat, deb atadi. Tafsilotlar quyida: https://rus.azathabar.com/a/31038408.html
Ekologiya
“Shahar bog‘lari” munitsipal korxonasi “O‘z daraxtingni ek” nomli yashil aksiyani davom ettirmoqda. Bishkek shahri meriyasi matbuot xizmati shu haqda xabar qildi. Ta’kidlanishicha, aksiya doirasida shaharning istagan fuqarosi yoki tashkilot poytaxtdagi yangi bog‘larga daraxt ekishi mumkin. Aksiya haqida batafsil quyidagi havoladan bilib olasiz: https://24.kg/obschestvo/179494_vbishkeke_prodoljaetsya_aktsiya_posadi_svoe_derevo/
Biz bilan birga ekaningiz uchun rahmat!
Yana bir bor YANGI YILINGIZ MUBORAK BO‘LSIN!
Hozircha xayr!
P.S. Jamoani qo‘llab-quvvatlang! Layk bosibg, Qlever o‘ynang