Qadrli do‘stim!
Sizni kirib kelayotgan Yangi yil bilan tabriklayman!
Ushbu yilda barcha orzu-niyatlaringiz ro‘yobga chiqsin!
Endi esa sizga mazkur hafta hududimizda qanday voqea-hodisalar sodir bo‘lgani, Markaziy Osiyo mediasi nimalar haqida yozgani haqida so‘zlab beraman.
Boshladik!
P.S. Bu yakunlanayotgan yildagi oxirgi dayjest...
Ta’lim
Prezident vazifasini bajarayotgan parlament spikeri Talant Mamitov mamlakatdagi oliy o‘quv yurtlarida tahsil olayotgan va 2019-2020 o‘quv yili yakuniga ko‘ra eng yaxshi deb topilgan 70 nafar talabaga president stipendiyalarini taqdim etdi. Prezidentning matbuot xizmati shu haqda xabar bermoqda. Tafsilotlar quyidagi havolada: https://24.kg/obschestvo/178048_vkyirgyizstane_70studentov_iz29vuzov_poluchili_prezidentskuyu_stipendiyu/
O‘qituvchilik faoliyatini olib borishni optimallashtirish uchun Rossiya har yili O‘zbekiston maktablariga 100 nafardan o‘qituvchi jo‘natadi. Rossiyalik o‘qituvchilarning birinchi guruhi respublikaga 2021-yilning yanvar oyida keladi. Tafsilotlar quyida: https://nuz.uz/obschestvo/1182582-v-shkoly-uzbekistana-ezhegodno-budut-napravlyatsya-100-rossijskih-uchitelej.html
Turkmanistondagi ayrim oliy o‘quv yurtlarining talabalari bayramda uyga bora olishmaydi. Mamlakat maktablarida ta’til muddati uzaytirildi. Korxonalarda bayramlar, korporativlar, ertalabki tomoshalar bekor qilingan. Shaxsiy bazmlar, to‘ylar va ma’rakalar ham taqiqlangan. Mamlakat hukumati mehmonga bormaslikni tavsiya qilmoqda va niqob taqish tartibini qat’iy nazoratga olgan. Bu choralar o‘tkir yuqumli kasalliklarning oldini olish zarurati bilan izohlanmoqda. Mamlakatda hali ham koronavirus tilga olinmayapti. Tafsilotlarni quyida o‘qing: https://rus.azathabar.com/a/31018626.html
Inson huquqlari
O‘zbekistonda tuxmat va bo‘xton uchun jazoni yengillatishni nazarda tutuvchi qo‘shimchalar kiritildi. Ular “O‘zbekiston Respublikasining Jinoyat, Jinoyat-protsessual kodekslariga, O‘zbekiston Respublikasining ma’muriy javobgarlik to‘g‘risida Kodeksiga o‘zgartirish va qo‘shimchalar kiritish to‘g‘risida”gi Qonunda o‘z aksini topgan. Batafsil quyidagi havolada: https://nuz.uz/sobytiya/1183196-v-uzbekistane-otmenili-ugolovnoe-nakazanie-za-klevetu-i-oskorbleniya.html
Texnologiyalar
Qozog‘istonlik talabalar endi yonlarida talabalik guvohnomasini olib yurishlari shart bo‘lmaydi, chunki guvohnoma elektron hukumatning mobil ilovasida paydo bo‘ldi. Kiritilgan yangilik haqida batafsil quyida o‘qishingiz mumkin: https://informburo.kz/novosti/studenceskii-elektronnyi-bilet-teper-dostupen-v-mobilnom-prilozenii-egovkz
Qozog‘iston ta’lim vaziri masofaviy texnologoyalar vositasida butun ta’lim jarayonini berib bo‘lmasligini tan oldi. Mamlakatning bosh maorifchisi nega bunday fikrga kelgani haqida quyida bilib olish mumkin: https://informburo.kz/novosti/glava-mon-peredavat-obrazovatelnyj-process-polnostyu-cherez-distancionnye-tehnologii-nevozmozhno
YUNESKOning Almatidagi Klaster byurosi tomonidan COVID-19 inqiroziga Tashkilotning javob choralari doirasida hamda hudud yoshlarining pandemiyaning salbiy oqibatlarini yengib o‘tish borasidagi bilim va ko‘nikmalarini yaxshilash maqsadida Markaziy Osiyo yoshlar makoni (Central Asian Youth Space) yaratildi. Xavfsiz onlayn makon taqdim etuvchi CAYSPACE loyihasi 2020-yil 22-dekabr kuni o‘tkazilgan matbuot brifingi davomida taqdim etildi. Tafsilotlar quyida: https://asiaplustj.info/ru/news/tajikistan/society/20201223/yunesko-zapustila-platformu-dlya-besplatnogo-onlain-obucheniya-molodezhi-cayspace
Jamiyat
Qirg‘izistondagi bolalar uylarining aksariyat bitiruvchilarida tibbiy xizmatlardan foydalanish va uy-joylik bo‘lish inkoniyati mavjud emas. “Oeysis” jamoat xayriya jamg‘armasining tadqiqotida shu haqda so‘z boradi. Qirg‘izistonda barcha mulkchilik shakllaridagi 138 ta bollaar internat muassasalari mavjud bo‘lib, ularning 66 tasi xususiy. 2020-yil yakunlariga ko‘ra, internatlarda 10 mingdan ortiq bola yashagan. Har yili ularni 300-350 bola bitirib chiqadi. Tafsilotlar quyidagi havolada: https://24.kg/obschestvo/177679_ubolshinstva_vyipusknikov_detskih_domov_net_dostupa_kmeditsinskim_uslugam/
O‘zbekiston Respublikasi Iqtisodiy rivojlanish va kambag‘allikni qisqartirish vazirligi axborot xizmati tarqatgan xabarga ko‘ra, O‘zbekiston Respublikasi Iqtisodiy rivojlanish va kambag‘allikni qisqartirish vaziri Jamshid Qo‘chqorov va Birlashgan Millatlar Tashkilotining sanoat rivojlanishi bo‘yicha (YUNIDO) bosh direktori Li Yong 22-dekabr kuni dastlabki to‘rt yillik (2020-2024-yillar) davr uchun Qo‘shma deklaratsiyani imzolashgan. Tafsilotlar quyidagi havolada: https://nuz.uz/ekonomika-i-finansy/1182690-uzbekistan-i-yunido-podpisali-sovmestnuyu-deklaracziyu.html
Yangi yildan boshlab Mari viloyatida agar bir oila a’zolari bitta huquq-tartibot idorasi xodimi bo‘lishsa, ularni ommaviy ravishda ishdan bo‘shatish rejalashtirilmoqda.
Azattiq radiosining Maridagi muxbiri kuch ishlatar tizimlardagi bir nechta manbalariga tayanib, bu haqda barcha huquq-tartibot idoralari xodimlariga xabarnomalar berilganini, natijada yuzlab odamlar ishdan bo‘shatilishi mumkinligini xabar qilmoqda. Tafsilotlar quyida: https://rus.azathabar.com/a/31019380.html
Biz bilan birga ekaningiz uchun rahmat!
Ta’tilni yaxshi o‘tkazing!
Hozircha xayr!
P.S. Jamoani qo‘llab-quvvatlang! Layk bosing, Qlever o‘ynang!