Salom, aziz do‘stim!
Ahvolingiz yaxshimi? Nimalar bilan bandsiz?
Shular haqida bizga yozib yuboring va postingizni albatta ijtimoiy tarmoqlarda bo‘lishamiz. #qleverme xeshtegimiz ham yodingizdan chiqmasin.
Darvoqe, siz Instagramda @qlever.kz ga obuna bo‘lganmisiz? Biz sizni kutayapmiz :)
Endi esa sizga bu haftada hududimizda bo‘lib o‘tgan voqea-hodisalar, Markaziy Osiyo mediasi nimalar haqida yozgani to‘g‘risida so‘zlab beraman. Boshladik!
Yoshlar
YUNISEF, “Yuksalish” umummilliy harakati va O‘zbekiston yoshlar ittifoqi tomonidan tayyorlangan “O‘zbekiston yoshlari: chaqiriqlar va istiqbollar” nomli ma’ruzada O‘zbekiston yoshlarining ta’lim va o‘qish, kasb o‘rganish va iqtisodiy imkoniyatlar, raqamli hayot va internet, oila va fuqarolik faolligi kabu yo‘nalishlardagi ahvoli tahlil qilingan.
Mavzu haqida batafsil quyida o‘qishingiz mumkin: https://nuz.uz/obschestvo/1182243-yunisef-izuchil-problemy-i-perspektivy-razvitiya-molodyozhi-uzbekistana.html
Jahon banki Tojikiston hukumatiga yoshlarni zo‘ravon ekstremizm safiga jalb etishning oldini olish maqsadida aholining ehtiyojmand qatlamlarini qo‘llab-quvvatlash bo‘yicha qo‘shimcha choralar ko‘rishga chaqirdi. Tarqatilgan xabarda qayd etilishicha, 2020-yilning boshida, koronavirus pandemiyasiga qadar JB yoshlarning radikallashuvining oldini olish haqida so‘z borgan ma’ruza e’lon qilgan edi.
Tafsilotlar quyidagi havolada: https://asiaplustj.info/ru/news/tajikistan/laworder/20201217/vsemirnii-bank-sovetuet-tadzhikskoi-vlasti-usilit-borbu-protiv-verbovki-molodezhi-ekstremistami
So‘z erkinligi
Yakunlanayotgan yilning 1-dekabr holatiga Qirg‘iziston OAVning 274 nafardan ortiq xodimi hibsda o‘tiribdi – bu 1990-yillar boshidan beri eng yuqori ko‘rsatkich.
Tafsilotlar quyida:
https://24.kg/obschestvo/176885_etot_god_stal_rekordnyim_pokolichestvu_arestov_jurnalistov/
Irlandiyaning Ookla kompaniyasiga qarashli Speedtest.net ommabop internet servisi internetga ulanish tezligining har oylik SpeedtestGlobalIndex reytingini e’lon qildi, unda 2020-yil noyabr oyida mobil va qayd qilingan internetning tezligi borasidagi ma’lumotlar o‘z aksini topgan. 176 ta davlatni qamrab olgan noyabr oyi reytingida Tojikiston oktabr oyiga nisbatan bir pog‘ona yuqorilab, 96-o‘rindan joy olgan.
Markaziy Osiya davlatlari orasida internet tezligi eng yuqori davlat Qozog‘iston bo‘lib, u 65-o‘rindan joy olgan. Qirg‘iziston 76-o‘rinda.
O‘zbekiston 94-o‘rindan joy olib, Tojikistondan 2 pog‘ona yuqorida turibdi.
Turkmaniston reytingda oxirgi – 176-o‘rindan joy olgan.
Tafsilotlar quyidagi havolada: https://asiaplustj.info/ru/news/tajikistan/society/20201217/tadzhikistan-za-poslednii-mesyats-uluchshil-svoyu-pozitsiyu-po-skorosti-interneta
Texnologiyalar
“Navoiy” erkin iqtisodiy hududida “O‘zbekiston” nomli ommabop smartfonlarni ishlab chiqarish boshlandi. Xotirasi 64 Gb bo‘lgan yangi smartfonlar Axborot texnologiyalari va kommunikatsiyalar vazirligi topshirig‘iga ko‘ra yaratilgan bo‘lib, ichki bozorda sotishga mo‘ljallangan. Ushbu texnika “mo‘jizasi” 362 dollar turadi.
Tafsilotlar quyida: https://asiaplustj.info/ru/news/centralasia/20201216/v-uzbekistane-stali-vipuskat-smartfoni-uzbekiston
Jamiyat
Turkmaniston hukumati xorijiy firmalarning chet ellik xodimlariga xususiy shaxslardan xonadon va uylarni ijaraga olganlik uchun bosim o‘tkazishni to‘xtatdi.
Tafsilotlar quyidagi havolada: https://rus.azathabar.com/a/31007186.html
Turkmanistonda oziq-ovqat taqchilligi kuchayib borayotgan bir vaqtda Lebop viloyati hokimiyati mahalliy aholini kommunal xizmatlar uchun qarzdorligi bor oilalar oziq-ovqat payoklarini ololmasligi haqida ogohlantirmoqda. Og‘ir iqtisodiy inqiroz sababli aksariyat turkman oilalari kommunal xizmatlar uchun to‘lovlarni amalga oshirishga qiynalmoqda. Hududdagi davlat do‘konlarida esa ikki oydan beri payokda nazarda tutilgan un va yog‘ tarqatilmayapti.
Batafsil quyidagi havolada: https://rus.azathabar.com/a/31005165.html
Pandemiya
O‘zbekiston sog‘liqni saqlash vaziri hamda oliy va o‘rta maxsus ta’lim vaziri oliy o‘quv yurtlari talabalari va xodimlarini koronavirus infeksiyasidan himoya qilish to‘g‘risida qo‘shma qarorni imzolashdi. Unda profilaktika maqsadlarida oliy o‘quv yurtlari talabalari va xodimlari tomonidan gidroksixloroxin va rux ichib yurish, koronavirus aniqlanganida yoki unga shubha tug‘ilganida qo‘shimcha dorilar bilan davolanish va tavsiyalarga amal qilish zarurligi qayd etilgan.
Tafsilotlar bilan quyida tanishing: https://nuz.uz/obschestvo/1182191-vuzy-uzbekistana-zakupyat-lekarstva-ot-koronavirusa-dlya-studentov-i-sotrudnikov.html
Turkmaniston aholisi koronavirus bilan kasallanishda, test topshirishda va undan davolanishda davom etmoqda. Kimdir kasalxonaga tushmoqda, kimdir uyda COVID-19 ga qarshi samarasi tasdiqlanmagan dori vositalari va xalqona usullar bilan davolanayapti. Bemorlarga rasman COVID-19 tashxisi hali ham qo‘yilmoqda.
Tafsilotlar quyida: https://rus.azathabar.com/a/31007284.html
Biz bilan birga ekaningiz uchun rahmat!
Haftangiz omadli va barakali o‘tsin!
Hozircha xayr!
P.S. jamoani qo‘llab-quvvatlang! Layk bosing, Qlever o‘ynang!