2021 yildan boshlab yo‘l harakati xavfsizligi Bosh boshqarmasi istalgan turdagi videotasvir yozish qurilmasida, jumladan mobil telefonda yozib olingan tasvirlarni qabul qila boshlaydi. Videoga qo‘yiladigan talab esa o‘zgarmagan. Video olinganiga uch kundan oshmagan bo‘lishi, davomiyligi esa 120 soniyadan ortiq bo‘lmasligi kerak. Shuningdek, unda qoidabuzarlik sodir etilgan sana va vaqt ko‘rsatilishi zarur. YHQ buzilishi aks etgan har bir yozuv uchun uni jo‘natgan shaxsga bazaviy hisoblash miqdorining 5% (11150 so‘m) ga teng pul mukofoti berilishi nazarda tutilgan.     

Hozircha esa faqat registratorlarda olingan tasvirlar qabul qilinmoqda. IIV hujjat loyihasini sentabr oyi oxirida muhokama uchun e’lon qilgan edi.