6-noyabrda boshlanib, oy yakuniga qadar davom etadigan «Toshkent yoshlarni yaxshi ko‘radi!» nomli festival dasturidan jonli konsertlsr, mahorat darslari, modalar ko‘rgazmalari, sport musobaqalari va boshqa tadbirlar joy olgan.
Festival dasturi quyidagi to‘rtta yo‘nalish bo‘yicha tadbirlarni o‘z ichiga oladi: «Texnologiyalar», «Ta’lim», «San’at» va «Sport». Rejaga ko‘ra ularning har biriga bir haftadan vaqt ajratiladi.
Tadbirlarning bir qismi onlayn tarzda o‘tkaziladi, bu esa karantin sharoitida kengroq auditoriyani qamrab olish imkoniyatini beradi. «Jonli» tadbirlar esa karantin talablariga rioya etgan: ishtirokchilarning albata niqobda bo‘lishlarini, oraliq masofa saqlanishini va qo‘llar antiseptik vositalar bilan yuvilishini ta’minlagan holda o‘tkaziladi.
Festivalning www.event.spacemos.uz sayti hamda ijtimoiy tarmoqlarda: t.me/toshkent_yoshlari_uz, facebook.com/toshkent.yoshlari va instagram.com/toshkent.yoshlari akkauntlari ishlab turibdi. Saytda o‘zingizga yoqqan tadbirga ro‘yxatdan o‘tishingiz va dasturdagi ehtimoliy o‘zgarishlarni kuzatib borishingiz mumkin.
Festival tashkilotchisi Toshkent shahr hokimiyati, festival hamkori O‘zbekiston yoshlar ishlari agentligi.