O‘zbekistonda 20-oktabr kuni oliy o‘quv yurtlari talabalari va ularning ota-onalari o‘rtasida o‘tkazilgan so‘rovnoma yakunlandi. So‘rovnoma an’anaviy oflayn yoki aksincha onlayn formatda o‘qish istagidagilar nisbatini aniqlab olsih uchun o‘tkazildi.
Bosh vazir o‘rinbosari Behzod Musayevning ta’kidlashicha, oliy o‘quv yurtlari sanitariya-epidemiologiya talablaridan kelib chiqib, o‘quv jarayonini tashkil etish imkoniyatlarini tahlil qilishlari va ko‘rib chiqishlari zarur. Yotoqxonalar faoliyati esa talabalarning sog‘lig‘iga xavf solmaydigan tarzda tashkil etilishi kerak. O‘rta maxsus va oliy ta’lim vazirligi ta’limni an’anaviy shaklda davom ettirishni istayotgan oliy o‘quv yurtlari uchun ma’lum bir talablar qo‘ymoqda. Ulardan biri – oliy o‘quv yurti hududida kichik ambulatoriyaning faoliyat olib borishi.Bugingi kunda esa aksariyat oliy o‘quv yurtlarida faqat tibbiy bo‘limlar mavjud. Ta’lim shakli borasidagi qaror yaqin kunlarda oliy o‘quv yurtlari kengashi tomonidan qabul qilinadi.