Kiber xavfsizlik — buzg‘unchi kimsalarning (kiber jinoyatchilar, xakerlarning) veb-resurslarga, tarmoqlarga va dasturiy ta’minotga jinoyatkorona tajovuzlarini kamaytirishga qaratilgan kompleks chora-tadbirlar. Shaxsiy ma’lumotlarni o‘g‘irlash, banl hisob raqamlaridan pul mablag‘larini yechib olish, saytlarni yo‘q qilish (to‘liq o‘chirib tashlash yoki bloklab qo‘yish) – bular zamonaviy jamiyat va biznes to‘qnash kelayotgan muammolarning bir qismi xolos. Shu bois kiber hujumlardan samarali himoya – tarmoqdagi xavfsizlikning muhim tarkibiy qismi hisoblanadi.
Masalan, 2020-yil may oyida Korrupsiyaga qarshi kurash agentligining saytiga xakerlar hujum uyushtirishgan edi. «Axborot xavfsizligi qani, akalar? Eh, bizning nomzodimizni o‘tkazmagan akalar», - buzg‘unchilar saytda ana shunday xabar qoldirishgan.
Bugungi kunda kiber xavfsizlik sohasiga kompyuterlar, serverlar, transport vositalaridan boshlab, taqiladigan elektronika vositalarigacha (soatlar, bilaguzuklar, ko‘zoynaklar va boshqalar), kardiostimulyatorlarga o‘xshash tanaga o‘rnatiladigan tibbit moslamalargacha, kelajakda esa – qayta aloqali tanaga kiritiladigan xapdorilar va boshqalargacha bo‘lgan aloqa tarmog‘iga ulangan turli qurilmalar kiradi.
(inyoJi yatilofa)