Telegram iOS uchun 7.4 yangilashni chiqardi, uning yordamida foydalanuvhcilar o‘z yozishmalari tarixini boshqa serverlar, jumladan WhatsAppdan ko‘chirib o‘tkazish imkoniyatiga ega bo‘lishdi, deb yozmoqda RBK.
Endi yozishmalar tarixini boshqa ilovalar – masalan, WhatsApp, Line yoki KakaoTalkdan Telegramga ko‘chirib o‘tkazish mumkin.
Bundan tashqari, messenjer foydalanuvchilarida bir qator yangi funksiyalardan foydalanish imkoniyati ham paydo bo‘ladi, jumladan:
- barcha ishtirokchilar guruhlarni, chatlar ro‘yxatidan maxfiy chatlarni, shuningdek qo‘ng‘iroqlar tarixini o‘chirib tashlashlari mumkin, chatdagi xabarlar bundan mustasno;
- ovozli chatlarda ayrim ishtirokchilar uchun tovush balandligini sozlash mumkin;
- o‘zlarini mashhur insonlar yoki tashkilotlarning rasmiy vakillari sifatida tanishtirayorgan guruhlar yoki kanallar ustidan shikoyat qilish mumkin.
Telegram foydalanuvchilari sonining o‘sishi rekord darajaga yetib, 500 million foydalanuvchini tashkil qilmoqda.
Bu narsa ikkita voqea – WhatsApp messenjeri siyosatining o‘zgarishi va AQShdagi ommaviy tartibsizliklar ortidan o‘sha paytdagi mamlakat prezidenti Donald Trampning ijtimoiy tarmoqlardagi akkauntlari bloklanishi holati bilan birga sodir bo‘ldi.