IT Parkning xabar berishicha, O‘zbekiston oliy o‘quv yurtlari qoshida inkubatsiya markazlari – startap-maydonchalar ochilgan bo‘lib, ularda iqtidorli talabalar ustoz va murabbiylar yordamida o‘z g‘oyalarini hayotga tatbiq etishlari mumkin.
Inkubatsiya markazlarida talabalar uchun maslahatlar, tanlovlar, xakatonlar va vorkshoplar tashkil etilmoqda. Shuningdek, talabalarga o‘z loyihalarini amalga oshirishlari uchun inkubatsiya dasturlari va ishchi makonlar ham taqdim qilinmoqda. Markazlarning maqsadi – faqat startap-ekotizimlarni o‘rganish va o‘z tizimini yaratishdangina iborat emas, balki ulardan iqtisodiy foyda ko‘rishni ham nazarda tutadi.
Bugungi kunda birorta loyiha IT-mutaxassisning ishtirokisiz yuzaga chiqayotgani yo‘q. Muvaffaqiyatli innovatsion loyiha yaratish uchun «soha mutaxassisi+IT-mutaxassis» bo‘g‘inidan iborat jamoa zarur.
Inkubatsiya markazlari quyidagi oliy o‘quv yurtlarida ochilgan:
- Toshkentdagi Turin politexnika universiteti;
- Plexanov nomidagi RIUning Toshkent filiali;
- Toshkent davlat iqtisodiyot universiteti;
- Toshkentdagi Inxa universiteti;
- Toshkentdagi Amiti universiteti.
Ayni paytda ushbu oliy o‘quv yurtlarida kelgusida rivojlantirish uchun startap-loyihalar arizalari qabul qilinmoqda.