3-noyabrdan Toshkent shahrining 11 ta tumanidagi davlat xizmatlari markazlarida planshet orqali onlayn surdo tarjima yo‘lga qo‘yildi, deb xabar bermoqda Davlat xizmatlari agentligining matbuot xizmati.
Endi nutqi va eshitishida nuqsoni bo‘lgan insonlar ham imo-ishoralar orqali tarjima vositasida istalgan davlat xizmatlaridan foydalanishlari mumkin bo‘ladi. Mijozlarga xizmat ko‘rsatuvchi xodimlarning stolida ushbu xodim onlayn surdo tarjimon orqali xizmat ko‘rsatishi haqida yozuvlar mavjud.
Mazkur tizimning joriy etilishi Toshkent shahrida istiqomat qiluvchi 3000 nafardan ortiq eshitish va nutqida nuqsoni bor insonlar uchun qulaylik yaratadi, deyiladi xabarda.
Kelgusida ushbu tizimni mamlakatnung barcha hududlaridagi DXM va FHDYo bo‘limlarida joriy etish nazarda tutilgan.