Kóz aldıń ızǵa keltiriń siz óz úyin tań lay alatuǵın super qaharmansız. Qálesen komiksti pijamade salasań, qáleseń borshtı qalayınsha durıs pisiw boyınsha maqala jazasań, komiks soǵasań yaki videorolik túsireseń . Bunday super qaharmanlar ápiwayı ómirde frilanserler dep ataladı.
Frilansta kim menen islew kerek ekenin hám neni islew kerek ekenligin óziń bileseń. Bul dúkánda oyınshıq tań laǵanday gáp, biraq oyınshıq ornına joybar. Óziń qálegen waqıtta islewge imkaniyat bar. Qáleseń túnde muzıka menen isle. Qálegeniń. Azanda qáleyseń be? Mashqala joq. Eń tiykarǵısı – dedlayn bolıp qalmasa boldı. Hár kúni hár qıylı bolıwı múmkin. Búgin sen kaktusqa qalay islew beriwdi úyreneseń, erten bolsa – startap ushın logotip isleyseń.
Bul jumıs emes, al ertekke uqsaydı. Lekin degen tárepi de bar. Qlever degi Crimee Story oyını qaharmanınıń dálil izlegenindey qarıydarlardı izlew kerek, sebebi saǵan hesh kim imaratın bermey atır, jumıs penen óziń di óziń táminlegen bolasań. Jáne de salıq penen finanstı baqlap barıw kerek, bul bir kóringende qızıqlı bolmawı múmkin.
Eń sońǵı maǵlıwmatlarǵa qaraǵanda dúnya júzinde 1.2 milliard fridanser bar eken. Olardın kópshiligi AQSH, Ullıbritaniya, Braziliya hám Pakistan mámleketlerinde jumıs isleydi. AQSH ta 60 million frilans penen shuǵıllanadı, bul mámlekettegi jumısshı kúshiniń úshten bir bólimin quraydı.
Frilans ásirese keyingi jılları kópshilikke belgili boldı, onıń kólemi ósip barmaqta. Bul miynet bazarınıń ózgeriske ushırawı hám aralıqtan turıp jumıs islewge bolǵan qızıǵıwshılıqtıń artıwı menen baylanıslı.
Frilanstıń global bazarı 6.54 trillion dollar dep bahalanbaqta, 2025-jılı 13.84 trillion dollarǵa jetiwi boljanıp atır. Bul bolsa frilanstıń dúnya ekonomikasınıń ajıralmas bir bólegine aylanıp baratırǵanlıǵınan dárek beredi.
Solay etip frilans – bul waqıtsha tendentsiya emes, al miynet bazarında kózge kórinip atırǵan tendentsiya, ol rawajlanıp barmaqta hám dúnya da kóplegen adamlarda qızıǵıwshılıq oyatpaqta.
Frilans Ózbekstanda
Ózbekstanda frilans aktiv túrde rawajlanbaqta hám jaslar arasında keń en jayıp barmaqta. Keyingi jılları mámlekettiń frilans bazarına kiriw tayarlıǵı 43.9 dan 59.0 indeksine kóterildi. Bul infrastrukturanıń artıwı, internet paydalanıwshılardıń kóbeyiwi, internet xızmetleri bahasınıń tómenlewi menen baylanıslı. Mısalı, xalıqaralıq maǵlıwmatlardı jetkerip beriw tarmaǵı ótkeriwsheń digi 74.7 esege ósti, al aralıqtan turıp bank xızmetleri sistemasınan paydalanıwshılar sanı 20.2 esege arttı.
Búgingi kúni Ózbekstanda ózin ózi bántlegen 50 mıń frilans jumıs isleydi, húkimet te bul tarawdı qollap-quwatlaw boyınsha is ilajlardı ámelge asırıp kelmekte. Atap ótetuǵın bolsaq jas frilanslar IT parki rezidenti statusın alıwı múmkin, bul salıq jeń illigin beredi hám kóp ǵana sotsiallıq xızmetlerge qol jetkeriw imkaniyatın beredi. Jáne de «Bir million ózbek baǵdarlamashıları» baǵdarlaması bar, ol tartıilı IT uqıpqa jaslardı úyretiwge baǵdarlanǵan.
Ózbekstan frilanserleri ushın belgili platformalar ishinde Myfreelance.uz, Mohirlar.uz hám Dowork.uz bar. Bul resurslar frilanserler ushın buyırtpalardı tabıw hám xızmetlerin hár qıylı tarawlarda usınıs etiw imkaniyatın beredi.
Solay etip, Ózbekstan frilans ósiw hám rawajlanıw ushın jaqsı perspektivaǵa iye, jaslarǵa dáramat tabıw hám xalıqaralıq dárejede óz uqıbın rawajlandırıp barıw imkaniyatın jaratıp beredi.
Frilansta qanday qánigeliklerge talap bar?
Frilanserlikte talap kóp bolǵan qánigelikler – grafikalıq dizaynerler menen UX/UI boyınsha qánigeler, olar veb saytlar menen mobil qosımshalar ushın tartımlı interfeys jaratadı.
Veb hám mobel qosımshalardı jaratıwshılar hám jasalma sana boyınsha qánigeler talaptıń eń joqarısında turadı. Baǵdarlamashılıqtıń eń tartımlı tilleriniń biri Python hám JavaScript.
Frilans bazarında kopirayterlerge talap kúshli. Olar saytlar menen bloglar, reklama materialları ushın tekst jaratadı. Sapalı kontent jaza alıw uqıbı brendti alǵa ilgeriletiw menen bul qáń igeliktiń tanımalı bolıwına imkaniyat jaratıp beredi.
Búgingi kúni video-rils, rolik, podkast, shorts, hátte filmler menen hár qıylı sotsiallıq tarmaq ushın videoshou jaratıw júdá modada, sol videomontaj hám animatorlarǵa talap júdá kúshli. Olar YouTube hám basqada platformalar ushın video isleydi. Video islenip onı YouTube penen İnstagramǵa jaylastırıw jetkilikli emes. Onıń kóp adam kóriwi ushın onı alǵa ilgeriletiw kerek, sonıń ushın targetologlarǵa da talap kúshli. Olar menen bir qatarda sotsiallıq media (SMM) menen birge kontekst reklama islewshi (PPC) qánigelerge de talap kúshli. Olar brendke Facebook hám Instagram da auditoriyanı kóbeytiwge kómeklesedi.
Búgingi kúni hámme jasalma intellekt haqqında aytıp atır. Neyrotarmaqlar menen islew tanımalı bolıp barmaqta. Bul baǵdar boyınsha qánigeler AI – sistema menen islesiw optimallastıradı, bul frilanslar ushın rawajlanıw ushın jań a baǵdarlardı ashadı.
DATA-analitikler – sanlar menen grafikalardıń atası. Olarda dúnyanıń qálegen jerinen turıp jumıs isley aladı hám kóp ǵana tarawlarda talap bar. Qıyın, tartımlı hám búgingi kúni eń kerekli bolǵan qánigeliklerdiń birinen esaplanadı.
Maǵlıwmatlar analitikleri biznes sheshim qabıl etiw etiw ushın informatsiyanı jıynaydı hám olardı talqılaydı, úlken maǵlıwmatlar dáwirinde olardıń xızmetin jáne de tartımlı etedi.
Eger saǵan adamlar menen jumıs islew unaytuǵın bolsa, sen virtual járdemshi bolıwıń múmkin, yaǵnıy administrativlik wazıypalardı atqarasań, ushırawshılardı jobalastırasań hám biznes klientler ushın jumıs protsesslerni shólkemlestiriwge járdemleseseń .
Frilansta aralıqtan islew múmkin bolǵan barlıq jumıslardı islewge boladı. Mısalı, Qlever de «Moderatorka» oyınında informatsiya menen islew uqıbın alasań hám qandayda bir kanal yaki topradıń moderatorı bolıwın múmkin.
Frilans qay jerden payda bolǵan?
Frilans – bul jumıs penen táminleniwdiń forması, onda jumıs beriwshiniń kim bolıwına qaramastan, buyırtpalardı erkin túrde orınlaydı. Frilansler bir waqıttıń ózinde bir neshshe klientler menen islesip, ózleriniń jumıs ornın hám waqıtın ózleri shólkemlestiredi. Bul olarǵa qızıqlı bolǵan joybarlardı tań law, jumıs talapların ózleri tań law imkaniyatın jaratadı. Biraq bul erkinlik islengen jumıs boyınsha juwapkershilik hám salıq aldında juwapkershilikti de talap etedi.
«Frilanser» ataması birinshi márte XIX ásirde yaǵnıy bir boljawǵa qaraǵanda «Ayvengo» romanında Valter Skott tárepinen engizilgen, onda ol belgili bir baydıń aldında juwapkershiligi bolmaǵan jallanba áskerlerdi bayanlap bergen. "freelance" sóziniń tuwrı awdarması «erkin teń geshi», bul jumıstıń erkin tárizde islenetuǵınlıǵınan dárek beredi. Sonnan berli ásirese internet payda bolǵannan baslap tez rawajlana basladı, bul aralıqtan jumıs islew ushın jań a imkaniyatlardı jaratıp berdi.
Frilans ushın onlayn platformalar
Erkin jumısshılar barlıq waqıtta bolǵan bolsa da, keyingi on jıllıqta frilans onlayn platforma, miynet birjası esabınan belgili bola basladı, ol jerde qánigeler klientlerdi dúnya júzi boyılap taba aladı.
Upwork – eń úlken hám kópshilikke belgili bolǵan frilans platforma, ol bir neshshe millionlaǵan frilanserler menen klientlerdi birlestiredi. Bul jerde hár qıylı tarawlar boyınsha joybarbarlardı tabıwǵa boladı, dizaynerlikten baslap baǵdarlamashılıqqa shekem. Platforma taza qánigeler ushın oqıw materialların hám reyting sistemasın usınıs etedi, bul bolsa basqa paydalanıwshılar arasınan ajıralıp turıwǵa imkaniyat jaratadı.
Freelancer – jáne bir kópshilikke belgili platforma, onda qálegen formadaǵı joybarlardı tabıwǵa boladı. Freelancerdiń interfeysi qolaylı hám wazıypalardı orınlawǵa mólsherlengen tań lawlarda qatnasıw imkaniyatı boladı, bul bolsa taza paydalanıwshılarǵa ózin kórsetiw imkaniyatın jaratıp beredi.
Fiveer – frilanslerge fiksatsiyalanǵan baha boyınsha yaǵnıy 5$ baslanatuǵın baha boyınsha óz xızmetlerin usınadı. Bul portfolio jaratıwdı qálewshiler menen kishkene joybar ústinde jumıs alıp barıwdı qáleyashiler ushın qolaylı variant.
Curu – iyiliwsheń jumıs islew grafigine iye platforma, onda frilansler ózine tiyisli bahanı belgileydi hám hár qıylı tarawlarda joybarlardı taba aladı.
PeoplePerHour – dizaynerler, veb jaratıwshılar menen marketologlar ushın resurs. Ol ápiwayı interfeys hám joybarlardı geografiya boyınsha tań lap alıw imkaniyatın jaratadı.
Toptal – texnologiya menen finans tarawınıń joqarı dárejeli qánigeleri ushın qánigelesken platforma esaplanadı. Toptal tek ǵana eń jaqsı frilanserlerdi tań lap aladı, bul bolsa xızmetler ushın joqarı dárejedegi aylıqtı keltirip shıǵaradı.
FlexJobs – tolıq jumıs kúni, yarım jartı yaki frilans tárizde jumıs penen táminlew boyınsha aldın ala tekserilgen jumıs orınların usınıs etetuǵın platforma. Barlıq usınıslar aldın ala tekseriwden ótedi.
Freelsncermap – IT, dizayn hám múmkin bolǵan kóp muǵdardaǵı joybarları bar konsalting tarawındaǵı frilanserler ushın xalıqaralıq maydan esaplanadı.
Drubble – dizaynerler birlespesi, onda joybarlardı tabıw, grafikalıq dizayn hám veb dizayn tarawındaǵı basqada professionallar menen sóylesiw imkaniyatın jaratadı.
Codementor – konsalting hám klientlerdi qollap-quwatlawda payda tabıwdı usınıs etetuǵın baǵdarlamashılar ushın platforma.
Frilans – jumıs islew usılı, onda turaqlı jumıs beriwshige iye bolmay aq hár qıylı klientlerdiń wazıypaların orınlay alıw imkaniyatı jaratıladı. Frilanserler qálegen orında turıp jumıs isley aladı: kafe yaki úyinde, hátte sayaxatta júrip te jumıs isley aladı. Olardıń jumısın baqlap baratuǵın baslıǵı bolmaydı, sol ushın olar qanday joybarlarǵa qol urıw kerekligin yaki qashan jumıs islew kerekligin ózleri biledi. Sen birew ushın al óziń jumıs isleyseń.
Ádette, frilanserler konkret wazıypa ushın pul aladı. Mısalı, dizayner logotip jaratıwı hám onıń ushın belgili muǵdardaǵı pul alıwı múmkin. Jumıs baslanbastan aldın jumıstıń barlıq mayda-shúydelerin talqılap aladı: waqıtı, bahası hám wazıypalardıń kólemi. Bul túsinbewshiliktiń aldın aladı. Frilanserler aldın ala dúzilgen shártnama tiykarında jumıs alıp baradı. Saǵan barlıq waqıtta shártnamanı itibar menen oqıw kerek ekenligin túsindiriw kerek emes shıǵar?
Frilanstegi shártnamalardıń túri
Frilansta shártnamanıń bir neshshe túrleri bar, bul frilanserler menen jumıs beriwshiler ortasındaǵı birge islesiwdiń talapların anıq belgilep alıw imkaniyatın beredi. Ádette ushırasatuǵın shártnamalardıń tiykarǵı túrleri:
Xızmet kórsetiw ushın shártnama – bul frilanserler ushın keń tarqalǵan shártnamalardıń bir túri. Ol konkret xızmetlerdi kórsetiwdi tártiplestiredi, olar qatarında másláhát beriw, oqıtıw yaki belgili wazıypalardı orınlaw. Bul shártnamada xızmet kórsetiw maqseti, orınlanıw waqıtı, bahası hám tólem túri kórsetiledi.
Kesip alıw ushın shártnama – bul frilanser belgili bir jumıs islewge kelisim berip, onı buyırtpashıǵa beriwge kelisim bergen halatta dúziledi. Bul shártnama túri ádette qurılısta, baǵdarlamalardı islew tarawında, aqırǵı nátiyje áhmiyetli bolǵan tarawlarda qollanıladı. Onda jumıstıń túri, waqıtı, sapanıń kepilleniwi atap ótiledi.
Avtor buyırtpası shártnaması – dóretiwshilik jumıs penen shuǵıllanatuǵın frilanserler ushın qolaylı boladı, tekst jazǵanda, dizayn jaratıw yaki baǵdarlamalardı jaratıw baǵdarında. Bul shártnamada jaratılıp atırǵan ónimniń anıqlaması, jumıstıń orınlanıw waqıtı hám jaratılıp atırǵan ónimge iyelik etiw huqıqı atap ótiledi.
Litsenziyalı shártnama – frilanser óziniń intellektuallıq ónimi huqıqın buyırtpashıǵa bergende qollanıladı. Baǵdarlamashılıq penen tekst jaratıwda. Bul shártnamada ónimdi paydalanıw qaǵıydaları menen litsenziyanıń xızmet etiw múddeti kórsetiledi.
Ramkalı shártnama – ulıwmalıq túrdegi shártnama, birge islesiwdiń tiykarsı talapların óz ishine alatuǵın shártnama túri. Konkret tapsırma usınıs túrinde yaki usı shártnamaǵa buyırtpa usınday táqilette hújjetlestiriledi.
Frilanserdiń bir kúni qalay ótedi?
Keliń frilanserdiń bir kúnin kóz aldımızǵa keltirip kóreyik. Ol azandaǵı uyqıdan turıw menen baslanadı. Ádette saat segizlerde turadı, ózine bir chashka kofe yaki shay quyadı, denesin shınıqtıradı, meditatsiya islewi de múmkin.
Bunnan soń jumıs stolına otıradı hám pochtasın ashadı. Bul jerde ol klinetlerdiń xabarların tekseredi, jań a buyırtpalar joqpa yaki hárekettegi joybar boyınsha sorawlar bar yaki joq ekenligin de tekserip kóredi. Bul waqıttı bir kún ushıń wazıypalardı qoyıw, eń kereklilerin alǵa qoyıwǵa háreket etedi.
Frilanser azannan baslap jumısqa aralasıp ketedi. Mısalı, ol blog ushın tekst jazıp, klient ushın dizayn jaratıwı múmkin. Ol itibarın bir jerge jámlep sotsiallıq tarmaqlarǵa shalǵımawǵa háreket etedi. Eki saatlı tınımsız jumıs islegennen soń kishkene tánepis islep aladı. Ol kóshege aylanıw ushın shıǵıwı, ekrannan shalǵıp, awqatlanıp alıwı múmkin. Kishkene tánepisten soń frilanser óz joybarına qaytadı. Onıń bir neshshe buyırtpaları bolatuǵın bolsa olardıń orınlanıw múddetinen kelip shıqqan halda waqıt aralıǵında tártiplestiriwi múmkin. Túslik waqıtında bolsa ózine túslik isleydi hám lázzetlenedi, geyde qızıqlı shou kóriwi yaki kitap oqıwı múmkin. Bul oǵan dem alıwına járdemlesedi.
Kúnniń ekinshi yarımında ol klientler menen sóylesedi. Bul joybardıń detalların anıqlastırıp alıw ushın shólkemlestirilgen video qoń ıraw yaki talaplardı anıqlastırıp alıw ushın xabarlar almasıwı da múmkin. Sáwbetlesiwden soń frilanser jáne jumısqa shúmip ketedi hám barlıq jobalastırılǵan jumıslardı jumıs kúniniń aqırına shekem orınlawǵa háreket etedi. Ol jumısın qáte bar yaki joq ekenligine tekseredi hám klientlerge jiberiw ushın fayllardı tayarlaydı.
Jumıs kúni óz juwmaǵına jetip baslaǵanda frilanser juwmaq shıǵaradı. Ol orınlanǵan jumıslardı belgilep aladı hám keyingi kún islenetuǵın jumıslardı jazadı.
Jumıstan soń erkin waqıtqa imkaniyat tuwıladı. Frilanser dosları menen ushırasıwı, xobbi menen aylanısıwı yaki ekrannan uzaqta dem alıwı múmkin. Solay etip onıń jumıs kúni hár qıylı wazıypalar menen tolı, jumıs iyiliwsheń lik hám óziniń ústem tapsırmalardı tań lap alıw menen tártiplesip turadı.
Frilanstıń plyus tárepi
Frilanstıń ústem tárepleri kóp, bul onı kóp ǵana adamlar ushın tartımlı etedi. Frilanstıń tiykarǵı plyusleri:
1. İyiliwsheń grafik – frilanserler óziniń jumıs waqıtıń ózleri basqaradı. Olar ózlerine qolaylı waqıtta jumıs islewi hám jumıs kúnin ózine unaǵanday etip tártiplestiriwi múmkin. Mısalı, kesh turıp, qálegen waqıtta dem alıs shólkemlestiriw yaki qolaylı bolsa túnde islewi múmkin.
2. Frilanserler ózlerine qızıqlı bolǵan tapsırmalardı tań lawı múmkin. Bul ózlerine súyikli jumıs penen shuǵıllanıw imkaniyatın jaratıp qoymastan, qıyın jumıstan jıraq bolıw imkaniyatın da jaratıp beredi.
3. Hár qıylı wazıypalar. Frilanserler ádette hár qıylı joybarlar ústinde jumıs alıp baradı. Bul bolsa hár qıylı kónlikpelerge iyelik etiw hám kóz-qarasın rawajlandırıwǵa imkaniyat jaratadı. Bul jumıstı tartımlı hám dinamikalıq etedi.
Jáne pul tabıw imkaniyatın itibarǵa alıw kerek. Frilanserler dástúriy jumıstaǵı qaraǵanda kóp pul tabıw múmkin, olar kópshilik halatta kóp tólenetuǵın joybarlardı isleydi. Olardıń dáramatı islegen buyırtpaları menen jumıstıń sapasına baylanıslı. Tájiriybesi jokarı bolǵan sayın frilanserlerdiń abırayı jokarı boladı, soǵan jarasa óz jumısın joqarı bahalawı múmkin.
Bunnan tısqarı, frilans jeke erkinlikti inam etedi. Ózine jumıs islew arqalı adam jumıs beriwshiden ǵárezli bolmaydı hám óz karerasın óz ritminde rawajlandırıwı múmkin. Jáne geografiyalıq erkinlikti inam etedi, internet imkaniyatı bar dúnyanıń qálegen jerinen turıp jumıs islewge boladı.
Frilanserler qolaylı jumıs islew shárayatına joqarı baha beredi. Olar ózlerine qolaylı halatta, basqa xızmetkerlerge usamaǵan halda hám kiyiniw etiketine de juwap beriwi shárt emes. Bul bolsa jumıstıń nátiyjeli bolıwına alıp keledi.
Frilanste professionallıq penen jeke halda ósiw imkaniyatın jaratıp beredi. Frilanslar kópshilik halatta jań a talaplarǵa ushırasadı hám óz ústinde islew imkaniyatın jaratadı, bul olardıń elede rawajlanıwına tiykar jaratıp beredi.
Frilanstıń minus tárepleri
Frilanstıń ústin táreplerine qaramastan, itibarǵa alıw kerek bolǵan kemshiliklerge de iye. Bunday jumıs islewdiń minus tárepleri.
1. Turaqlı bolmaǵan dáramat. Frilansler kópishilik halatta bir ayda buyırtpa kóp bolıwı, al basqa aylarda bolsa buyırtpa az bolıp kalıwı múmkin. Bul finanslıq jobalastırıwdı qıyınlastıradı, al geyde finanslıq amanat penen jasawǵa alıp keliwi múmkin.
2. Turaqlı túrde klientti izlewge tuwra keledi. Frilansler buyırtpanı ózleri tabıwı kerek, bul artıqsha waqıt penen háreket etiwdi talap etedi. Bul jań a jumıs islep baslaǵanlar ushın qıyınshılıq tuwdırıwı múmkin, olardıń kópshilik halatta joqarı básekilikke duslasadı.
3. Sotsiallıq kepillik bolmaydı. Frilanserler emleniw ushın tólem menen dem alısına da pul almaydı, awırıp qalǵanda yaki dem alǵısı kelgende pulsız dem alıwına tuwra keledi. Bul qárejetlerdiń barlıǵı onıń moynına túsedi.
Ózin ózi tártiplestiriw menen baylanıslı mashqalalar da kelip shıǵadı. Sırtqı baqlawsız frilanserler óz waqıtı menen wazıypaların tártiplestiriwde qıyınshılıqqa duslasıwı múmkin. Ayrımlar erkinsip ketiwi hám jumıslardı keyingi súrip turıwı múmkin, bul bolsa jumıstıń nátiyjeliligine keri tásirin tiygizedi.
Jáne bir áhmiyetli aspektiniń biri jalǵızlıq esaplanadı. Aralıqtan jumıs atırıp frilanserler ádette kásiplesler menen sóylesiw hám komandalıq jumıs qatnasıw imkaniyatınan ayrıladı. Bul jalǵızlanıw hám professionallıq sáwbetlesiwdiń jetispew sezimlerin keltirip shıǵarıw múmkin.
Bunnan tısqarı, frilanserler administrativlik wazıypalarǵa da duslasadı, dáramat penen shıǵındı esaplaw, salıq tólew menen shártnama dúziw. Bul artıq urınıw menen buxgalteriya tarawında bilimge iye bolıwdı talap etedi.
Klientler tárepinen aldanıp qalıw qáwpi de bar. Eger jumıs rásmiy shártnama tiykarında islenbey atırǵan bolsa yaki isenimsiz platformada orınlanǵan bolsa, jolı dúzew bolmaǵan buyırtpashılarǵa duslasıw múmkin, olar jumısqa haqı tólewden bas tartıwı múmkin.
Qalayınsha frilanser bolıw múmkin?
Eger sen frilanser bolǵıń kelse, onda sen birinshi gezekte óz qızıǵıwshılıǵıń menen kónlikpeleriń di anıqlap alıwıń kerek. Neni jaqsı isleytuǵınıń dı hám ne nárse unaytuǵınlıǵı haqqında oylanıp kór. Bul baǵdarlama islew, grafikalıq dizayn, tekst jazıw yaki sotsiallıq alıp barıw bolıwı múmkin. Óz kónlikpeleriniń dizimin isle, qaysısın pulǵa aylandırıwǵa boladı sonı tań la. Mısalı, eger sen súwret soqqıń kelse, onda óziń di illyustratsiya menen dizaynda sınap kór.
Keyingi másele portfolio boladı. Bul potentsial klientlerge kórsetetuǵın jumıslar dizimi. Portfolioǵa doslar ushın yaki oqıw joybarı sheń berinde orınlanǵan máseleni kirgiziwiń múmkin. Bunıń ushın Behance yaki Dribbble platforması tuwra keliwi múmkin, oǵan óz jumıslarıń dı jaylastırsań boladı.
Bunnan soń frilans-platformada dizimnen ótiwiń kerek. Bulardıń kópshiligi paydalanıwshılardıń 18 jastan úlken bolıwın talap etedi, ayrımları (mısalı, Fiverr) ata-analardıń kelisimi menen akkaunt jaratıwǵa imkaniyat jaratadı. Eger sen 18 jastan kishi bolsań, ata-analardı akkaunttı dizimnen ótkeriwdi usınıs et, olardıń baqlawı astında jumıs isleyseń.
Sotsiallıq tarmaqtı da esten shıǵarma. Professional akkaunt jarat hám óz jumıslarıń dı sáwlelendirip bar, bul potentsial klientlerdi tartıw ushın kerek. Sotsiallıq tarmaklar dáslepki buyırtpalardı alıw ushın maydan bolıp xızmet etiwi múmkin. Jáne de óz jobalarıń dı ata-anań menen másláhátlesiwiń hám olardıń kelisimiń alıwıń kerek. Bank esap betin ashıw yaki xızmetleriń e puldı alıw ushın olardıń kelisimi kerek boladı. Ata-analardıń qollap-quwatlawı jań a baǵdarda isenimli bolıwǵa járdemlesedi.
Óziń -óziń tártiplestiriwdi úyren hám waqıtıń dı basqar. Frilanser bolıp islep atırıp wazıypanı orınlawǵa hám óz jumıs protsesiń di shólkemlestiriwde óziń juwapker bolasań. Bul juwapkershilikti hám ózińdi óziń basqarıw kónlikpeni qáliplestiredi.
Eger frilans sıpatında jumıs islewdi oylap júrgen bolsań, bul jań a imkaniyatlarǵa dáslep adım bolıwı múmkin. Frilans qızıq joybarlar esigin ashadı, óziń haqıyqattanda unaytuǵın jumıs islewge járdemlesedi, úyden shıqpay pul tabıw imkaniyatın beredi.
Bul tarawda jetiskenlikke erisiw seniń tırısqanlıǵıń menen háreketleriń e tikkeley baylanıslı. Barlıq waqıtta ań sat bolmaydı – geyde qıyınshılıqlar menen duslasasań, klientlerdi izlewge hám óz waqıtıń dı basqarıwıń a tuwra keledi. Tırısqaqlıq penen umtılıwshań lıq, rawajlanıwǵa bolǵan talap bul qıyınshılıqlardıń barlıǵın jeń ip ótiwiń e kómeklesedi.
Frilans jetiskenlikke jetiwdiń birinshi adımı bolıwı múmkin. Kóp ǵana áwmetli professionallar frilanstan baslaǵan, óz kónlikpeleri menen tájiriybesin arttırıp barǵna. Faktcheker bolıp ta frilanser sıpatında islewge boladı. Faktchekerlikke Qlever oyınında úyreniwiń múmkin. Sınap kóriwden qorıqpa! Eger sen óz kúshiń di jumsawǵa hám waqıtıń dı jumsawǵa tayar bolsań, frilans dúnyası seni kútedi. Áwmet!