Sálem qádirli dostım! Cifrlı texnologiyalar dáwirinde biz kópshilik waqıtımızdı onlaynda ótkeremiz. Biz doslarımız benen sáwbetlesemiz, oyın oynaymız, informaciya izleymiz hám basqa háreketlerdi isleymiz. Sonıń menen birge tarmaqta qáwip jasırınǵan bolıwı múmkin. Lekin kóp oylanba, bunıń ushın ápiwayı qaǵıydalar bar, olar internette qáwipsiz háreket etiwdi táminleydi. Keliń olardı tolıq kórip shıǵamız!
1. Óz qurılmańdı jańalap tur
Bir áhmiyetli qaǵıydanı yadıńda tut: óz qurılmańdı jańalap tur! Baǵdarlamalardı jańalap turıw – bul seniń ashıwıńa tiyetuǵın telefin yaki kompyuterińdegi eskertiwshi xabarlar emes. Bul qurılmańdı qorǵawdıń usılı. Demek onı biykarlama, jańalawdı ornat, potencial qáwipten aldında tur.
2. Basqa qurılmalarda óz akkauntıńdı qaldırma
Eger sen basqa qurılmadan sociallıq tarmaq yaki basqa saytqa kirip atırǵan bolsańız, zıyanlı baǵdarlamalar siziń maǵlıwmatlarıńızdı urlaw qáwpi joqarı boladı. Riskti tómenletiw ushın akkauntqa kirip atırǵan paroldi kirgizbesten aldın «chujoy kompyuter» qosılıp turǵanlıǵına itibar beriń.
3. Tarmaqta abaylı bol
Kórip turǵan barlıq túymelerdi basa berme! Xabarlardaǵı siltemeler menen qosımshalardan abaylı bol. Eger bir nárse gúmanlı bolsa, onı baspaǵan maqul. Yadıńda tut, sociallıq tarmaqta óz jeke maǵlıwmatlardı ashıp, biytanıs adamlar menen sóylespegen maqul.
4. Óz maǵlıwmatlarıńdı qorǵa.
Jeke maǵlıwmatlarıń – bul seniń baylıǵın! Sol ushın abaylı bol. Onlayn sawda islep atırǵanda qáwipsiz tólew metodınan paydalan hám kúndelikli túrde jeke maǵlıwmatlarıńnıń rezerv kopiyasın islep bar.
5. Úyren hám juwap shıǵar
Eń sońǵısı, eń áhmiyetlisi – shańaraq aǵzalarıń hám doslarıń menen cifrlı qáwipsizlikti talqılawǵa uyalma. Eń sońǵı trendlerdi bilip barıw ushın kónlikpe hám bilimler menen bólisip bar. QLEVER oyınına kir hám ámeliyat seni uqıplı etetuǵının esińde saqla.
Juwmaqta
Endi sen cifrlı dúnyada qáwipsiz bolıwı boyınsha ápiwayı qaǵıydalardı bilip aldıń. Olarǵa ámel etip seniń onlayndaǵı háreketleriń jaǵımlı hám tartımlı bolatuǵınlıǵına isenimli bolasań. Bul qaǵıydalar menen doslarıń menen bólis – birgelikte bir internetti hámme ushın jaqsı orınǵa aylandıra alamız.